موقف مضحك







[SIZE=ال]مرحبا اعزائي حبيت ان يذكر كل شخص موقف مضحك له وابدا بنفسي

طبعا القصة ماأنساها وحبيت تشاركوني أحداثها

كنت صغيـــــــــــرونه يوم صارت كان عمري ثمان أو تسع سنوات

كان الجو بارد وانتم عارفين تحلا التمشية في الشتاء عشان نتلذذ بالدفى

قررت العيلة الكريمة نروح للمزرعة طبعا المزرعة شي خيالي أنواع الأشجار

ولاتنسون أنواع الحيوانات بقر >> غنم>> والجمال الحمدالله كان جمل واحد >> بط > حمام > دجاج > أرانب

وكان موجود حمار للعامل المصري وسيلة مواصلات ماتخسر

يازين المزرعة أهم مافي الموضوع الكلب الجديد اسم على مسمى أســــــــــــود

وعيونه حمر تقطر شرر (ناويلك على نيه بس انت اصبر شوية) المهم تغدينا وبدأنا

نتمشى بها المزرعة نهضم الأكل والكلب جديد مو متعود على هالوجيه

السمحه وأنا البطلة جايه لحالي اللقافه خذتني لمكان الصراخ

وهو يطارد خواتي ويوم وصلت عندهم وشافني يحليلي كنت لابسة جكيت فرو

ومسويه جدايل أول ماشافني على باله جفرة هههههه

غرته الجدايل والفرو

ولايحسبني أرنب الله أعلم المهم ساب خواتي وصار يجري وراي أنا أركض وهو

يركض وراي طفنا حوالين البير ونبي نضيعه حالف يمين صرت أصارخ وأبكي أبي

أدور شي احتمي به ناديت سوبر مان بات مان مافي أحد جات أختي وشالتني

وتجري وهو يجري ورانا مصر

تشيل نفسها ولاتشيلني الضعيفه كنت ميته خوف

وهلي يدورون على عصا حجرة شي يرموبه الكلب وفي هاللحظة الحاسمة يوم

قرب الكلب مستعد للإنقضاض أنقذني الرجل الأخضر أقصد المرأة الخضراء

جات زوجة المزارع في الوقت المناسب وناظرته ذيك النظرات إلا الكلب نسينا
ونسي كل شي وشرد أتاريها أقوى منه لو كان من البداية ماكنا تعبنا هالتعب
راح الكلب وانا من يوم بديت أصرخ لين ماراح

وأنا أبكي لين رجعنا البيت وحرمت أروح المزرعة والكلب يسرح ويمرح والحمدالله من يوم مانروح يربطون الكلب

ومن الخوف اهوجس يمكن فك الحبل يمكن ويمكن لين ريحنا الله منه وغيروه

وزين ماكبرت ومعي حاله نفسية من الكلاب

وهذي قصة من بعض قصصي اللي منساها

إن شاء الله تكون عجبتكم فلم مرعب وعدى والحمدالله

يالله عاد نشوف قصص البقية