على كف القدر نمشي ولا ندري عن المكتوب

عبارة كنت أرددها صدق من صـاغ معناهـا

مشينا دون لا ندري شربنا من بلاهـا كـوب

وهذي حـال هالدنيـا رمتنـا مـا رميناهـا

تضحّكنا تبكّينـا تمشّينـا علـى المطلـوب

على كف القدر نمشـي دروبٍ مـا رميناهـا

من الكاسب من الخاسر من الفايز من المغلوب

مع الأيـام تحصدنـا وحنّـا مـا حصدناهـا

وأنا واحد من الآلاف أعيش بعالمي مرعـوب

أحس الأرض مهزوزة من أدناهـا لا أقصاهـا

نظرت الناس من حولي وكم بالناس من منكوب

حوادث هزّة الوجدان أجل بالعيـن شفناهـا

ألا يا عمري الفاني ألا يـا حقـي المسلـوب

متى عيني بليل اليـأس حلـو النـوم يهناهـا

متى حظّي يحالفني يصحّح وضعـي المقلـوب

يعدّل قسـوة الأيـام وغلطـات ارتكبناهـا

راااائع

وانت ارووووووووووووووع يسلمو ع مرورك نورت

شكراااااااااااااااااااااااااااااا