كون تتفاهم العجوز والكنة بليس يدخل للجنة.....شوفو هنا

تاريخ الإنضمام : 25/07/2010

السلام عليكم و رحمة الله وبركاته
كيراكم دايرين لحباب غاية
اليوم جبتلكم بعض التقربيشات الشعبية الجزائرية التي تعتبر اسلحة دمار شامل
تستعملها الكنات و العجايز في الحرب العالمية المشتعلة منذ دخول الكنة إلى
البيت
العجوز: و هي تعاير الكنة بينما الكنة راهي تدير فالشغل تاع الدار
( الله لا يخليني لليدين الله يخليني غابة و الناس حطابة ) طبعاراكم ما فهمتو
والو ضروك نشرحلكم العجوز تقول ندعي الله باش نبقى بصحتي وانا الي نقوم الدار بشغل
نعاون الناس مع ان الكنة هي التي تقوم بالشغل
امممممممممممم صحا الحجا راكي جيبتها
نجحت العجوز في استفزاز الكنة ضروك جا وقت الكنة باش ترد
الكنة:( باينة الشقة على حواشيها ) الكنة تقول ام حجا باينة انتي الي ديري كلش راني نسيت
العجوز: ترد
( أضحك يا فمي على همي ) ههههه العجوز تشكي همها من كنتها
الكنة: صح معاك حق (هم يبكي و هم يضحك) و تضحك و تقهقه
ههههههههههههههههههههههههههه
العجوز:
( يعزيك في راسك الضحك يضحك على الضحك و الضحك يضحك عليهم رحنا لدار
المهابل حرنا شكون يدبر عليهم )هنا راهي تقلها بلي هي مجنونة
وكي كملت الكنة شغل تاع الدار زينت روحا وخرجت زعما دير فيها سكارة للعجوز
العجوز ( خصك السواك يا معوجة الحناك) تقصد تقوللها انتي أصلا لا تصلحي
للتزين
زعما الكنة مرهيش شابة تزين ولا تقعد سي كيفكيف
ومن بعد تروح العجوز قدام المرايا وتحوس هي ثاني تزين روحا راهي غارت
الكنة: ( سيدي مليح خصو الهوى و الريح ) يعني الكنة راهي ترد هي ثاني بواش قتلها لعجوز من قبل ( اللي
فاتو وقتو مايطمع في وقت الغير)
العجوز: ( الدنيا بالوجوه و الآخرة بالفعايل) اووووووو الحجا تاعنا راهي من الكبار

يدخل الزوج هلكان من الشغل ويلاقي المشاكل كل واحد تحكي همها و يقول
كلمة وحدة ( كي سيدي كي لالا) يعني يقصد وجهان لعملة واحدة وهي التنقريش وازعاج الزوج
و انا راح أعلق على الي حصل بين الكنة و العجوز بهذا المثل ( المسلوخة تضحك
على المذبوحة و المقطعة شبعت عليهم ضحك ) ...