أيه رأيك أنت فى الصحوبية؟؟؟؟

أنا؟؟؟؟

أيوا أنت

طبعاً

حرام

و

بنص القرآن كمان

ليه هو القرآن كمان أتكلم عنها؟؟

أى نعم

قال تعالى

ولا متخذات أخدان

فى سورة النساء

وذكرها مرتين في نفس السوره

عارفين يابنات

يعنى أيه ؟

معناه اصحاب

القرآن بيحذرك وبيقول لكى

اوعي تصاحبي علشان ما تخسريش

و يقول الله عز وجل

(ليس البر بأن تأتوا البيوت من ظهورها ولكن البر من اتقى واتوا البيوت من ابوابها)


معقوله شاب مسلم

يدخل البيوت من الشات؟

او التلفونات؟

او المولات؟

او المصايف؟

انت عارف و انت كده عملت ايه

أنت بالشكل ده

ميش بس وقعت في خطأ الصحوبيه

وإنما انت خنت صاحب هذا البيت

والد هذه البنت

وعايزه افكرك بحاجه مهمه جدا

يوم القيامه يرفع لكل واحد

لواء

يقال هذا غدرة فلان

يعني فلان ده غادر

وهذه غدرته

تيجى يوم القيامة خاين لأبو البنت الى أنت مشيت معاها

ومش بس كده ده هيختصمك فى عرضة أمام رب العالمين



فضايح فضايح...... امام الخلق

وامام الله عز وجل



وبعدين عايز أسأل الأخ اللي بيعمل كده

في يوم من الأيام هتكون اب بردو لبنت زى ألى أنت مصاحبها

يا ترى لو شوفتها مع واحد هتعمل أيه

يا ترى لو مسك أيدها واحد هتعمل أيه

خد بالك....داين تدان

وكله سلف ودين



طب حد هيجى وهيقو ل لى

هى ليه حكاية الصحوبيه محرمه؟؟

ميش احنا عندنا عواطف ومشاعر

ليه الإسلام بيضغط علينا؟



أرد عليكم وأقولكم

فعلا ربنا خلق فينا مشاعر وأحاسيس علشان نحب بيها

ولكن

خلي بالكم

خلقها منظمه

في وقت معين

ولأشخاص معينين

خلقها تحت مؤسسه واحده

اسمها

الزواج


وبعدين تعالوا نتكلم بصراحه

أيه الى هيحصل للبنت

لما تبدأ تتعلق بواحد

وتمنى قلبها بيه

أيه هيكون حال القلب ده؟

بيتكسر صح

تحس انها اتجرحت

اصل هايحصل حاجات كتير

ده ممكن يروح يتجوز صاحبتها

او يقولها ماينفعش اكمل معاكى


او على الاقل مافيش نضوج

فلما ينضج ويتأكد من مشاعرة هيغير رأيه

والبنت تتوجع يا عينى

على أنها عرفته ليه حرام

ميش عايزك تتكسري

ارهاق عاطفي ليه وانت أصلا ضعيفة


فالأصل

عايزين نحافظ على قلبك

خليها تحت مؤسسة الزواج

هيكون ليها طعم تانى

وفى ناس تانية هتقول لى

هو فيه أيه؟؟؟!!

أنتم حسستونا أننا عايشين فى غابة

معلش بقا...مش كل العلاقات الى بتحصل كلها فاشلة

أو كل الشباب غدارة وخاينة

أنا أعرف ناس كتير أتجوزا بعد حب

وكانوا مخلصين جداً فى حبهم لبعض

هرد عليهم وهقول

صح عندكم حق

فى ناس كتيرة اتجوزت بعد العلاقات دى

بس حد قال لكم ان الاحصائيات أثبتت أن معظم حالات الطلاق كانت من الجوازات الى جت بعد حب

ايوا دى حقيقة

عارفين ليه؟؟؟

لأن ربنا ما كنش مبارك...ولأن الأساس كان غلط

وما بنى على باطل فهو باطل

علشان كده البيوت دى بتبقى عاملة زى بيوت العنكبوت

ضعيفة وهشة و أى ريح بدمرها
===================

عايزين حب ليه طعم... خلوا الأساس صح