شعر روووووعة لازم دخول اي جزائري

تاريخ الإنضمام : 22/07/2008

قولي واش ربحتي يا مصر واش ربحتوا يا آل فرعون

و عمرو ما يفلح الساحر من حيث جا ومهما يكون

و لو انكم ربحتوا الجزاير المهم ما ربحتوش بالون

لوكان ماشي وجه الشر كوفي كوجيا الطاعون

الي يشوفوا كيفاش داير يحلف غير يقول مجنون

دخل علينا غير بالأحمر او ربحكم بالكمون

مصر شطحت حتى لفجر كيف النعجة دارت القرون

و الي كان مخبي ظهر و بين راسو كي الفكرون

مزيا برك شعبنا قادر و عارف روحو واش يكون

خرج يحتفل و هو خاسر معاك يا الخضرا مهما يكون

العالم كامل باقي حاير حاجة عمرها صرات فالكون

ماشي كيما الماتش اللخر كي ربحناكم درتوا الكلون

و ديتوا كأس إفرقيا غدر و صرفتوا عليها مال قارون

و كأس العالم هي الي تهدر وكل شي فيها بالقانون

يروحوا ليها الأكابر و الباقي يشوفوا في التلفزيون

بوقرة و حليش و عنتر و مطمور مغني و عبدون

و يبدة و جبور راهو حاضر و حتى لحسن رايح يكون

بلحاج زياني و عبد القادر غزال و صايفي فبلاد نالسون

و مصر و القاهرة تتعصر و تبقى تشوف غير بالعيون

ولما يتكشف السر الي في انغولا كان مدفون

بلي الجزاير لعبها طاهر كيما قلبها بيض اللون

ماشي كيما انت يا مصر يا الي كل شي عليك يهون

كيما هانت عليك الجزاير أرض المليون و نص المليون

شهداء حاربوا الكافر حاربوا فرنسا يا بني صهيون

قولوا واش ربحتوا في اللخر انتوما و كوفي كوجيا الملعون

غير العيب و دعاوي الشر نتاع الستة و تلاتين مليون

ان شاء الله تعجبكم