قالك هادا 1 داز حدا واحد المقهى لقا الكراسى على برا مزيانين عجبولو ،
او هو يهز واحد الكرسي وتم هارب،
شافو القهواجي او هو ايتبعو باش ايشدو،
واحد الشويا هاداك اللي سرق الكرسي عْيا،
شاف موراه لقا القهواجي قريب يوصل عليه،
حط الكرسي جلس عليه،
وصل عندو القهواجي؛
او هو يقول ليه
آرى واحد نص نص او شي كاس دلْما او جيب شي طبلة
/////////////////////////////////
قالك هادي واحد لعروبية ركبت فالطوبيس
تلاقات مع وحدة ساكنة فالمدينة بدو كايهدرو ،
شوية هاديك لعروبية سولات المدينية
قالت لها شنو سميتك
ردات عليها انا سميتي نور الهدى وانتي شنو سميتك
العروبية بدات كاتفكر وتقول ليها انا سميتي
نور الديـــــــــــــــــــــــــــــــــــن!!!!!!!!!!
اتمنى ان تعجبكم
////////////////////////
قالك هذا واحد فوقاش ما خل للدار تقولو مراتو سير جيب شي حاجة
ديما سير جيب ،
جا واحد النهار كاعي دخل للدار و هي تقولو سير جيب النعناع،
هو يقيل ليها حاولي علينا شوية ديما سير جيب ماعمرك قلتي لي هاك
هي تقولو يا الله هاك التلفزة سير صلحها راها خاسرة!!!!!!!
/////////////////////
كالك هادا واحد ناقص شوية فعقلو صايق طوموبيل،
تفشات لو الرويدة ،نزل بدا كايحيد الروايد بربعة،
داز عليه واحد قالو شنو كادير،
هو يرد عليه
خليني نحيد ليها الروايد باش تمشي بالحْفا
//////////////////////////
كالك هادا واحد ركب فالطاكسي غادي لشي بلاصة ملي وصل قال لمول الطاكسي مشحال كاتسال
رد عليه هانتا شوف فالكونتور كاينة 10 دراهم،
وهو يعطيه 5 دراهم
قالو مول الطاكسي اشنو هادشي
هو يرد عليه
5 دراهم ديالي 5 دراهم ديالك راني ماجيتش بوحدي!!!!!!!!!!!!!!!!!
لا تبخلو بردودكم
على الأقل كلمة شكر
الرئيسية 
الأحد أغسطس 09, 2015 2:23 pm
