معكرونه بشميل حمرا إحترافيه مع السر اللذيذ
هذي وصفه سريعه ولذيذه بالمكرونه ببدأ بالصوره عشان تتحمسون للوصفه



وأعتذر عن تصوير الخطوات بس هي سهله وما تحتاج
نجي للمقادير:
معكرونه اي نوع انا استخدمت الإسباغتي
بندوره وفلفل أخضر مقطعين أعواد وممكن إضافة الخضار المرغوبه
معجون طماطم-بصل-ثوم مهروس-زيت(دوار شمس وزيت زيتون)
البهارات(كركم-فلفل أسود-زنجبيل مطحون عند الرغبه-كمون-بهارات إيطاليه أو بهارات البيتزا وهذا هو السر)
أنا عملتها بدون لحم اللي تحب تضيف اللي تبغاه
الطريقه:
نسلق المعكرونه أنا أسلقها في قدر الضغط تاخذ 7 دقايق بس
في خلال الـ7 دقايق هذي نفرم البصل ونهرس الثوم ونقطع البندوره والفلفل ومانخلص إلا والمعكرونه مخلصه
نصفي المعكرونه ونبدأ بالشغل،نكشن البصل بزيت دوار السمش أو الذره ولمى يبدا يذبل نضيف الثوم ونقلب شوي وهنا سر خطير في الكشنه وهو نضيف شوي سكر وشوي ملح +الكركم والفلفل الأسود والزنجبيل ونقلب شوي وقبل ما نضيف البندوره نحط الكمون ونحط باقي المكونات (الفلفل الأخضر المعجون +شوية مويه لا تكثرون+المعكرونه)ماعدا زيت الزيتون والبهارات الإيطاليه ونقلب في المعكرونه الين تنشف في هالوقت نسوي البشميل وكل وحده وطريقتها فيه
وإذا خلصت المعكرونه وقبل ما نطفي النار نسوي الطريقه هذي وهي سر المعكرونه عندي(ناخذ ربع فنجال زيت زيتون ونحط معاه البهارات الإيطاليه ونخلطهم سوا ونحطها عالمعكرونه ونغطي القدر على طول ونطفي النار ونخليه على ما نجهز الصينيه)
وفي الأخير بعد ما نحط البشميل على المعكرونه في الصينيه ندهن البشميل بالزبده أو بزيت الزيتون ونرش فلفل أسود وبهارات إيطاليه ونرص بندوره مقطعه أعواد وعالفرن من تحت وفوق عشان بسرعه
يمكن الطريقه في الشرح طويله شوي بس هي ما تآخذ وقت وأنا عارفه نفسي إني ما أعرف أشرح بس اللي تبغى شي تسأل وأنا في الخدمه
هنا قبل لأدخلها في الفرن



وهنا بعد ما طلعتها ما حمرتها كثير احبها كذا

زووووووووووووووووووووووووووووو م




لا تنسو الرد علينا

وبالعافيه أتمنى تكون نالت رضاكم ولو أنها متواضعه
وانتظروني في الرد القادم عندي الأحلى

تسلم ايدك طبق لزيز مبين عليه

بدنا الصبايا يطبخونا منو ويورونا شطارتهن

ههههههههههههههه

راح نستناكي هموسة تطبخي المعكرونة وتعزمينا كلنا